Gobierno Vasco

    

ZAIN DEZAGUN LURRA!

INGURUMEN ALDEKO KONPROMISOAK JUAN OROBIOGOITIAN

 

ESKOLA AGENDA 21 -LABURPENA 2016-2017

logoa eskola jasangarriaEskolako Agenda 21 ikastetxearen iraunkortasunerako hezkuntza programa bat da.

Komunitatearen partaidetzan oinarritzen da, eta udalerriko garapen iraunkorrean esku hartu eta laguntzen du.Iraunkortasuneko hezkuntza ezinbestekoa da benetan, funtsezkoa baita pertsonak modu egokian heztea, gai izan daitezen ingurumen-arazoei aurre egiteko eta erantzunak eta irtenbideak bilatzeko.

Hezkuntza-komunitate (guraso, irakasle, ikasle, langile ez-irakasle) osoaren partaidetza oso garrantzitsua da, eta horretarako sortzen da denek osatutako batzordea.Udal Foroen bidez eskola eta herriaren arteko erlazioa indartu eta aberasten da.

Laburbilduz, EA21 programak kudeaketa arduratsu eta iraunkorra sustatzen du, bai ikastetxean, bai udalerrian ere, baliabideak, erabilitako materialak, energia eta hondakinak modu egokian baliatzeko.

Kontaktua: agenda21@orobiogoitia.net

ALBISTEAK

EKINAREN EGUNA - IBAIA GARBITZEN

  • 2018/05/22 |

Ekinaren eguna 2018

Bioaniztasunaren Nazioarteko Eguna aintzat hartuta, Aztertu Programak, Ingurugelak, Eskola Agenda 21 eta Durangoko Merinaldearen Amankomunazgoak antolatuta, Ibaiazabal eta Zaldai ibaietan hondakinak biltzeko jardunaldia ospatu dugu eta bertan Juan Orobiogoitia BHIko eta Maiztegi eskolako ikasleak izan dira protagonista.

Hiri hondakin solido urbanoek (edukiontziak, poltsak, zapitxoak…) gure ibaietan sortzen duten inpaktua zuzenean ezagutu dugu: plastiko-poltsak, botilak, ontziak ... lurrera botatakoan gertuko ibairen batera heltzen direnez, horiek guztiak paisaian, ingurumenean edota  faunan dituzten ondorioez jabetu gara.

Ingurumen sailburuorde Elena Morenok eta URAko zuzendari nagusi Ernesto Martínez de Cabredok, Iurretako alkate Iñaki Totorikaguenak eta Mankomunitateko presidente Aitor Lopezek parte hartu dute Ekinaren Egunaren seigarren edizioan antolatutako ekintza honetan.

INFORMAZIO GEHIAGO

dotb.eus


2018/04/28| EA21 -UDAL FOROA 2018

2018/04/19| KOOPERA ikastexean

© Orobiogoitia BHI
Telefonoa: 946810461 | Fax: 946810461 | 015090aa@hezkuntza.net